Բարի գալուստ մեր կայք

 

Սիրով ողջունում ենք Ձեզ Վարդենիկի Ա.Օհանյանի անվան հ. 2 հիմնական դպրոցի ինտերնետային կայքում: Այցելելով մեր կայք` կստանաք դպրոցի մասին հնարավոր ամբողջական տեղեկատվություն: Կայքից կարող եք տեղեկանալ դպրոցի  պատմության, տեղի ունեցող միջոցառումների, կարևոր իրադարձությունների մասին: Ակնկալում ենք Ձեր աջակցությունն ինչպես դպրոցի  գործունեության, այնպես էլ մեր ինտերնետային կայքի զարգացման աշխատանքներում:

Հզոր մտքեր

Շնորհավո´ր տոնդ, սիրելի´ ուսուցիչ

 

 

2018 թվականի հոկտեմբերի 5-ին դպրոցում նշվեց աշխարհի ամենապատվաբեր մասնագիտության՝ ուսուցչի տոնը: Պայծառ ու նորովի էր այս տարվա շնորհավորանքները՝ ուղղված մեր հայորդիների դաստիարակության հայրենանվեր ու անձնուրաց գործչին, երկրի պատմության անդուլ մունետիկին՝ ուսուցչին: Օրը սկսվեց իններորդցիների (դասղեկ՝ Ն. Կարապետյան) անակնկալներով՝ գեղեցիկ խոսքերի, երգերի, ծաղիկների, բացիկների, հատակին փակցված գեղեցիկ խոսքերով ոտնահետքերի և այլնի միջոցով: Աշակերտները շնորհակալություն հայտնեցին իրենց ուսուցիչներին՝ անմնացորդ նվիրումի, սիրո, հոգատարության, իրենց կրթելու բարձր ու վեհ կոչմանը հավատարիմ մնալու համար, ՈՒՍՈՒՑԻՉ մնալու համար, այնպիսի ուսուցիչ, որը, ի գին ամեն զրկանքի, իր ուսերին է կրում մեր ժողովրդի ամբողջականության, ազգային արժեքների լիարժեք պահպանման, մեր ժողովրդի անպարտելիության և կեցության գաղտնախորհուրդ հավատքի սերնդեսերունդ ներարկումը: Վերջում շնորհավորական և շնորհակալական խոսքերով հանդես եկան դպրոցի տնօրեն Ս. Գափոյանը և փոխտնօրեն Գ. Միլիտոնյանը:

Անվտանգ ինտերնետ

ՀՀ անկախության 27 ամյակին

21.09.2018թ-ին Վարդենիկի Ա. Օհանյանի անվան հ. 2 հիմնական դպրոցում տեղի ունեցավ համադպրոցական մրցույթ-փառատոն՝ նվիրված ՀՀ անկախության 27 ամյակին:

Անվտանգ ինտերնետ

Պատմության քառուղիներում

26.09.2018թ-ին Վարդենիկի Ա. Օհանյանի անվան հ. 2 հիմնական դպրոցում տեղի ունեցավ ինտելեկտուալ խաղ-մրցույթ՝ «Պատմության քառուղիներում» խորագրով:

Մրցույթին մասնակցում էին 7-9-րդ դասարանցիները: Մրցույթը նվիրված էր Հայաստանի 1-ին Հանրապետության և մայիսյան հերոսամարտերի 100-ամյա հոբելյարին: Մրցույթն անցավ շատ հետաքրքիր և իմաստալից: Շատ ակտիվ էին հատկապես VIII ա դասարանի աշակերտները:

Մրցույթի շնորհիվ երեխաները ոչ միայն հարստացրեցին իրենց գիտելիքները, այլ նաև կատարելագործեցին թիմային աշխատանքը՝ լսելով և վերլուծելով միմյանց առաջարկություններն ու տարբերակները:

Անվտանգ ինտերնետ

Բարի գալուստ

«Բարի երթ դեպի իմացության անսահման աշխարհ»

Ավանդույթի համաձայն սեպտեմբերի  1-ը Վարդենիկի Ա. Օհանյանի անվան հ. 2 հիմնական դպրոցում նշվեց մեծ շուքով:

Ուսման հանդեպ խոր հարգանքն ու կրթություն ստանալու ձգտումը հայ ժողովրդի ազգային մտածողության ամենաուրույն դրսևորումներից են, և գիտելիքի կարևորության գիտակցումն այսօր առկա է յուրաքանչյուր հայ ընտանիքում:

Գիտելիքի, դպրության այս օրը հատկապես բացառիկ նշանակություն ունի առաջին դասարան հաճախող մեր փոքրիկների համար, ովքեր գիտության աշխարհ են ոտք դնում՝ բացահայտելու գիտելիքի անգնահատելի արժեքը:

Միջոցառման մեկնարկը տրվեց ՀՀ օրհներգով, որի հնչյունների ներքո աշակերտները իրենց խոնարհումը բերեցին Արտակ Օհանյանի  և Արցախյան գոյամարտի նահատակներին նվիրված հուշարձաններին: Այնուհետև տոնը  շարունակվեց դպրոցի շնորհալի աշակերտների կատարումներով, առաջին դասարանցիների երգ ու պարով, հետաքրքիր և իմաստալից խոսքերով ու բանաստեղծություններով, իսկ վերջում՝ իններորդ դասարանցիների ուղեկցությամբ առաջին դասարանցիները ժպիտով մտան  իմացության անսահման աշխարհ՝ դպրոց:

Մեր դպրոցի սաները իրենց կրտսեր ընկերներին հավաստիացրեցին, որ միայն սովորելով և գիտելիքների հարուստ պաշար ձեռք բերելով կարող են հասնել իրենց բաղձալի նպատակներին և քայլել ժամանակի հրամայականին համընթաց:

Վերջում իրենց շնորհավորական խոսքերով հանդես եկան դպրոցի տնօրեն Ս. Գափոյանը և փոխտնօրեն Գ. Միլիտոնյանը՝ մաղթելով լուսավոր ճանապարհ, բարձր առաջադիմություն, հաջող ուսումնական տարի և նորանոր բարձունքների նվաճում:

ՇՆՈՐՀԱՎՈՐ ԳԻՏԵԼԻՔԻ ԵՎ ԴՊՐՈՒԹՅԱՆ ՕՐ

Անվտանգ ինտերնետ

Հայրենիքը երգերի մեջ

Հայ ժողովրդի բազմադարյան պատմության մեջ մայիս ամիսը դարձավ հաղթանակների հերոսական սխրանքների, միասնության և համախմբվածության խորհրդանիշ: 09.05.2018թ-ին Ա. Օհանյանի անվան հ. 2 հիմնական դպրոցի աշակերտական խորհուրդը, նախագահ Հ. Աբրոյանի գլխավորությամբ, անցկացրեց քայլերթ՝ նվիրված Շուշիի ազատագրման 26-ամյակին և Հայրենական Մեծ պատերազմում տարած փառահեղ հաղթանակի 73-րդ տարեդարձին: Երթը սկսվեց Բանավանում Արցախյան ազատամարտում ընկածների համար կանգնեցված հուշաքարից, որտեղ, իրենց հարգանքի տուրքը մատուցելով, աշակերտները շարժվեցին առաջ: Դպրոցի բակում գտնվող Արտակ Օհանյանի կիսանդրուն ծաղիկներ դրեցին, խոնարհվեցին, երգեցին նրան նվիրված երգեր, պարեցին և շարժվեցին դեպի Հայրենական Մեծ պատերազմում ընկածների հիշատակին կանգնեցված հուշարձան: Այնտեղ շատ մարդաշատ էր: Ներկա էին նաև Արցախյան պատերազմի ազատամարտիկները, գյուղի երկրապահները և այլոք, ովքեր իրենց հերթին եկել էին հարգանքի տուրքը մատուցելու նահատակված հայ քաջորդիներին: Աշակերտները, իրենց խոնարհումով ողջունելով ներկաներին, ծաղիկներ դրեցին հուշարձանին և շարժվեցին դեպի «Իշխանանց ձոր», որտեղ էլ տեղի ունեցավ «Հայրենիքը երգերի մեջ» եզրափակիչ երգի, պարի փառատոնը՝ նվիրված ՀՀ և մայիսյան հերոսամարտերի 100-ամյա հոբելյարին: Օրն անցավ բովանդակալից՝ հագեցած հաղթական բերկրանքով: Հետաքրքրական և տպավորիչ էր նաև աշակերտների արտաքին տեսքը. նրանք կրում էին Գուսան Արտակի պատկերով շապիկներ: Իր շնորհավորական և շնորհակալական խոսքով հանդես եկավ դպրոցի փոխտնօրեն Գ. Միլիտոնյանը:

Անվտանգ ինտերնետ

Մեր հաղթանակները

07.05.2018թ.-ին հինգերորդ դասարանում տեղի ունեցավ բաց դաս կերպարվեստից՝ նվիրված ՀՀ և մայիսյան հերոսամարտերի 100-ամյա հոբելյարին (ուսուցչուհի՝ Աղավնի Աբրոյան): Նախ աշակերտները ներկայացրեցին իրենց տնային հանձնարարությունը, որը Եղիշե Չարենցի «Ես իմ անուշ Հայաստանի» բանաստեղծության տողերն էին՝ պատկերված նկարչական բովանդակությամբ: Յուրաքանչյուր աշակերտ, արտասանելով բանաստեղծության իր տողը, համապատասխան նկարը փակցնում էր գրատախտակին: Վերջում ունեցանք մի հրաշք տեսարան՝ պատկերված հայկական խորհուրդներով: Այնուհետև Ա. Աբոյանը ներկայացրեց մեր մայիսյան փառահեղ հաղթանակները և այն հերոսներին, որոնք իրենց կյանքի գնով պաշտպանեցին մեր հայրենիքը, իսկ երեխաները, որպես ամփոփում, կազմեցին ժամանակագրական աղյուսակ՝ սահուն և գեղեցիկ ներկայացնելով բոլոր հերոսամարտերը:

Վերջում, 5 խմբի բաժանված աշակերտները նկարեցին այն հերոսին կամ ժամանակաշրջանը, որն առավել շատ էր տպավորվել իրենց մեջ:

Դասն անցավ բովանդակալից, հետաքրքիր՝ լի հաճելի անակնկալներով: Ամփոփ խոսքով հանդես եկավ դպրոցի տնօրեն պարոն Ս. Գափոյանը, ով գոհունակություն հայտնեց՝ փաստելով, որ աշակերտները կարողացան լուծել իրենց առջև դրված խնդիրը՝ համակողմանիորեն ներկայացնելով տարբեր ժամանակաշրջանների մեր հաղթանակները:

Անվտանգ ինտերնետ

«Հայոց եկեղեցին մայիսյան հերոսամարտերի ժամանակ»

ՀՀ և մայիսյան հերոսամարտերի 100-ամյակի շրջանակներում 2018թ-ի ապրիլի 11-ին IXա դասարանում տեղի ունեցավ բաց-դաս՝ «Հայոց եկեղեցին մայիսյան հերոսամարտերի ժամանակ» թեմայով ( դասղեկ՝ Գևորգ Աբրոյան):
Ներածական խոսքով հանդես եկավ Գ. Աբրոյանը, ով ներկայացնելով 1918թ-ի դարակազմիկ իրադարձությունները՝ կարևորեց հայ եկեղեցու դերն ու նշանակությունը հերոսամարտերի ժամանակ:

Read more »

հիշարժան և նշանավոր տարեթվեր

«Հաղթանակած հայրենիքը»

2018թ-ի մարտի 30-ին տեղի ունեցավ «Հաղթանակած հայրենիքը» վերնագրով զրույց-զեկուցում՝ նվիրված ՀՀ և մայիսյան հերոսամարտերի 100-ամյա հոբելյարին:
Զրույց-զեկուցումը վարում էր ռազմագիտության ուսուցիչ, լեյտենանտ Մանուկ Սաֆարյանը, ով ներկայացնելով հայրենիքի պատմության ելևէջները, հիշեցրեց երեխաներին այն դժվարությունները, որոնք հաղթահարելով մեր նախնիները ձեռք են բերել հաղթանակած հայրենիք, և որ այդ հաղթանակներն են մեզ ոգեղեն սնունդ տվել, կոփել մեր ազգային ինքնագիտակցությունն ու պայքարելու կամքը, մղել սխրագործությունների, դարձրել մեկ միասնական բռունցք՝ պատրաստ ամեն վայրկյան մահվան դատավճիռ կայացնելու նրանց համար, ովքեր կփորձեն թեկուզ մեկ ակնթարթ խաթարել ազգի անդորրը, ոտնձգություն կատարել նրա նվիրական արժեքների նկատմամբ։
Զրույց-զեկուցումը շարունակվեց բուռն քննարկումներով և աշակերտների գիտելիքներն ու հնչեցրած ամեն մի խոսք ապացույցն էր այն բանի, որ նրանք արժանի են նվիրյալ հայրենիքի զավակ կոչվելուն. «…Ու մեզանից յուրաքանչյուրը պետք է գիտակցի մեկ պարզ ճշմարտություն՝ մենք ենք մեր հայրենիքի սրի ու վահանի կենդանի մարմնացումը, մենք ենք մեր երկրի այսօրվա պաշտպանը, մենք ենք գալիք սերունդների համար պայծառ ապագա կերտողը»։

Անվտանգ ինտերնետ

Այցելություն Հայաստանի պատմության թանգարան-պատկերասրահ

2018թ-ի մարտի 17-ին ՀՀ և մայիսյան հերոսամարտերի 100-ամյակին նվիրված միջոցառումների շրջանակներում Ա. Օհանյանի անվան հ.2 հիմնական դպրոցի աշակերտները Գ. Աբրոյանի և Ա. Աբրոյանի ուղեկցությամբ այցելեցին Հայաստանի պատմության թանգարան: Երեխաները հնարավորություն ունեցան ծանոթանալ և վերհիշել հայ բազմադարյան մշակույթը՝ հին ժամանակներից միչև մեր օրերը՝ գնահատելով մեր պատմամշակույթային հինավուրց արժեքները:
Այնուհետև ուսուցողական այցը շարունակվեց Հայաստանի ազգային պատկերասրահում, որտեղ երեխաները մասնակցեցին տարբեր ցուցահանդեսների՝ իտալահայ քանդակագործ, նկարչուհի Նվարդ Զարյանի 100-ամյակին նվիրված ցուցահանդեսին, Վարդան և Գևորգ Թառլոյանների <<Պատրանք և իրականություն>> ցուցահանդեսին, ինչպես նաև ծանոթացան մշտական ցուցադրության հայ և համաշխարհային արվեստի ցուցանմուշներին:
Էքսկուրսիայի վերջում կազմակերպված խաղ-մրցույթի միջոցով երեխաները ի մի բերեցին ստացված գիտելիքները:
Այցելությունը տպավորիչ էր և հիշարժան, աշակերտները ոչ միայն ծանոթացան հայ մշակույթի բազմադարյան պատմությանը, այլ նաև նոր գիտելիքներով զինված՝ վերադարձան տուն:

Անվտանգ ինտերնետ

7-ՐԴ ՀԱՄԱՀԱՅԿԱԿԱՆ ՄԱՆԿԱՊԱՏԱՆԵԿԱՆ ՆԿԱՐՉԱԿԱՆ ՄՐՑՈՒՅԹ-ՓԱՌԱՏՈՆ

2018թ-ի մարտի 16-ին դպրոցի նկարչական խմբակը՝ ուսուցչուհի Ա. Աբրոյանի ղեկավարությամբ մասնակցեց ՀՀ կրթության և գիտության նախարարության և Գեղագիտության ազգային կենտրոնի հետ համատեղ կազմակերպված «Ազգային տոներ, ծեսեր, խաղեր» խորագրով 7-րդ համահայկական նկարչական մրցույթ-փառատոնի փակման արարողությանը:
Մրցույթ-փառատոնին մասնակցել էին արվեստի հանդեպ սեր և կարողություն դրսևորող, հայերեն ուսուցմամբ վարժարանների և կրթօջախների (այդ թվում՝ մեկօրյա), մշակութային կենտրոնների 6-18 տարեկան սաները, ինչպես նաև այլ դպրոցների նկարչական կամ արվեստի խմբակներում ընդգրկված հայ երեխաներն ու պատանիները. 1000-ից ավելի արվեստի գործեր՝ սփյուռքի 14 երկրներից (ԱՄՆ, Արգենտինա, Ղրիմ, Եգիպտոս, Վրաստան, Հունաստան, Հորդանան, Թուրքիա, Իրան, Լիբանան, Ռուսաստան, Ուզբեկստան, Ուկրաինա, Ֆրանսիա, Քուվեյթ), ինչպես նաև Արցախից և Հայաստանից:
Փակման արարողության ընթացքում բոլոր մասնակիցները ստացան պատկերագրքեր, իսկ նրանցից շատերը արժանացան նաև պատվոգրերի, շնորհակալագրերի և խրախուսական նվերների:
Մեր դպրոցից մրցույթ-փառատոնին մասնակցած Հասմիկ Արշակյանը իր «Սուրբ զատիկ» յուրօրինակ աշխատանքով և Անի Դավթյանը՝ «Ավագ երեքշաբթի» աշխատանքով նույնպես ստացան պատկերագրքեր:
Մրցույթ-փառատոնը նպաստեց երեխաների՝ հայ ազգագրության, երկրագիտության իմացությանը, նրանց կողմից ազգային աշխարհայացքի, առաձնահատկությունների, գեղագիտական արժեքների յուրացմանը, առանձին պատմական իրադարձությունների, հոգևոր կյանքի, փաստերի արժևորմանը:

Անվտանգ ինտերնետ