Բարի գալուստ մեր կայք

 

Սիրով ողջունում ենք Ձեզ Վարդենիկի Ա.Օհանյանի անվան հ. 2 հիմնական դպրոցի ինտերնետային կայքում: Այցելելով մեր կայք` կստանաք դպրոցի մասին հնարավոր ամբողջական տեղեկատվություն: Կայքից կարող եք տեղեկանալ դպրոցի  պատմության, տեղի ունեցող միջոցառումների, կարևոր իրադարձությունների մասին: Ակնկալում ենք Ձեր աջակցությունն ինչպես դպրոցի  գործունեության, այնպես էլ մեր ինտերնետային կայքի զարգացման աշխատանքներում:

Հզոր մտքեր

Տագնապային տարհանում

«

Դպրոցը կառույց է, որտեղ համախմբված են տարբեր տարիքի, խառնվածքի, դաստիարակությամբ երեխաներ:

ՀՀ-ում երաշխավորվում է երեխաների ան­վտանգությունը: Արտակարգ իրավիճակներում դպրոցում և նրա տարածքում երե­խաների անվտանգության ապահովումը դպրոցի ղեկավարության և անձնակազմի գերխնդիրն է:

06.12.2018թ-ին Վարդենիկի Ա. Օհանյանի անվան դպրոցում իրականացվեց տագնապային տարհանում՝ նվիրված Սպիտակի երկրաշարժի 30-րդ տարելիցին։ Ըստ նախօրոք մշակված տարհանման պլանի, «տագնապ» ազդանշանից անմիջապես հետո դպրոցի աշակերտները 36 վայրկյանի ընթացքում դուրս եկան դպրոցի շենքից և հավաքվեցին տարհանման հրապարակում։ 

Վարժանքից հետո եղավ քննարկում: Դպրոցի ֆիզղեկ, լեյտենանտ Մանուկ Սաֆարյանը ամփոփեց վարժանքի արդյունքերը՝ մատնանշելով տարհանման բարեհաջող, սահմանված ժամկետում իրականացումը և հայտարարեց ուսումնավարժության ավարտի մասին:

Իրականացված վարժանքների նպատակն էր ստուգել դպրոցի համար մշակված տարհանման պլանի իրատեսական լինելը, կատարելագործել դպրոցի ղեկավար կազմի ունակությունները, հայտնաբերել դպրոցի թույլ կողմերը տարհանում իրականացնելու գործում։ 

Նման միջոցառումները միայն անհրաժեշտություն են, քանի որ վերահաս աղետի ժամանակ մեծ նշանակություն ունեն առաջին րոպեներին արված ճիշտ գործողությունները: Այսպիսի միջոցառումների պարբերական իրականացումը թույլ է տալիս ոչ միայն ճշգրիտ հաշվարկելու տարհանման ամենաօպտիմալ եղանակները, այլև դպրոցականների մոտ առաջացնում է յուրահատուկ մտածողություն՝ հիմնված աղետի դեպքում նրանցից յուրաքանչյուրի իրականացվելիք գործողությունների ճշգրիտ հերթականության վրա։

Մեր դպրոցի յուրաքանչյուր աշակերտ արդեն գիտի, թե ինչ պետք է անի տագնապի դեպքում։ Թող այս փորձը մնա միայն փորձ և իրական տարհանման անհրաժեշտություն երբևէ չլինի։

Անվտանգ ինտերնետ

‹‹Ա›› ՏԱՌԻ ԹԱԳԱԴՐՈՒՄԸ

Օրերս  դպրոցի I բ դասարանի աշակերտները հանդիսավորությամբ նշեցին ‹‹Ա›› հնչյուն-տառի ծնունդը: Դասվար Մարիետա Հարությունյանի շնորհիվ ‹‹Ա›› տառի մուտքը երեխաների և ներկաների համար վերածվեց հրաշալի տոնի:
Նախ աշակերտները տեղեկացան Մեսրոպ Մաշտոցի, հայերի անցած ճանապարհի, տառերի ստեղծման և դրանց անհրաժեշտության մասին: Քառյակներով գովաբանեցին հայոց այբուբենը, հումորային ներկայացման միջոցով բացահայտեցին այբուբենի զարմանահրաշ աշխարհի առաջին՝ ‹‹Ա›› հնչյուն- տառը և թագադրեցին:
Փոքրիկների շուրթերից հնչած ամեն հնչյուն, ամեն բառ նոր շունչ ստացավ՝ սիրով ու ջերմությամբ լցնելով ներկաների հոգիները: Սա նրանց առաջին քայլն էր դեպի տառերի զարմանահրաշ աշխարհ: Միջոցառման ընթացքում փոքրիկները ակտիվ արտահայտեցին իրենց գիտելիքները, ներկայացրեցին ‹‹Ա›› տառի շքերթը՝ հագեցած երգ ու պարով, ասմունքով ու հանելուկների մեկնաբանությամբ, այնուհետև մեծ պատասխանատվությամբ սովորեցին գրել հայոց այբուբենի առաջատար տառը:
‹‹Ա›› տառը անմահացավ փոքրիկների պարուրած ոգևորության և զարմացական հայացքների ներքո այն մեծ համոզմունքով, որ քանի դեռ հնչում է հայոց այբուբենը մեր սերունդների շուրթերից, կապրի հայ ազգը իր հարատև շնչով, իր անպարտելիությամբ, հայրենիքի սիրով և ամենուր կհնչի մեր մաքրամաքուր հայոց լեզուն:
Այս դաս-միջոցառումը ընդմիշտ կմնա փոքրիկների և ներկաների հիշողության մեջ՝ որպես գեղեցիկ և զարմանահրաշ տոն:

 

Անվտանգ ինտերնետ

‹‹Ա›› ՏԱՌԻ ՇՆՈՐՀԱՆԴԵՍ

Հազարամյակներ շարունակ գիտելիքը եղել է մեր ժողովրդի գերագույն արժեքներից մեկը: 405 թվականից մինչ օրս բազմաթիվ սերունդներ սովորում են հայոց այբուբենը և ‹‹Ա›› տառով մուտք գործում տառերի գանձարան՝ հայտնվելով հրաշքների աշխարհում:
17.10.2018թ-ին Վարդենիկի Ա. Օհանյանի անվան №2 հիմնական դպրոցի Iա դասարանում տոն էր: ‹‹Ա›› տառի ուսուցմանը նվիրված հեքիաթային, բազմաբովանդակ և գեղեցիկ միջոցառումը, որը կազմակերպել էր Անուշ Մկրտչյանը, նոր էջ բացեց աշակերտների դպրոցական առօրյայում:
Տոնական ու գունեղ էր դասարանը, ամենուր հնչում և ցուցադրվում էր ‹‹Ա›› տառը: Փոքրիկների շուրթերից հնչեցին բանաստեղծություններ, հանելուկներ՝ շատ սահուն և հստակ խոսքերով: Խաղերի միջոցով կատարեցին խմբային աշխատանքներ: Բեմադրությամբ, ասմունքով երեխաներն ի ցույց դրեցին իրենց գիտելիքները՝ վերածելով միջոցառումը հրաշալի տոնի: Այսօրվանից իրենցն է արդեն Մաշտոցյան տառերը և կյանքի բոլոր ճամփաներում պիտի քայլեն իրար հետ: Օրվա խորհրդով համտեսեցին ‹‹Ա›› տառի տորթը, սովորեցին գրել ու կարդալ աստվածատուր այբբուբենի առաջին տառը: Փոքրիկներին շնորհավորեցին բոլոր ներկա գտնվողները և փոխտնօրեն Գ. Միլիտոնյանը՝ բարի երթ մաղթելով դեպի խորհրդավոր տառերի անսովոր աշխարհ:

Անվտանգ ինտերնետ

Շնորհավո´ր տոնդ, սիրելի´ ուսուցիչ

 

 

2018 թվականի հոկտեմբերի 5-ին դպրոցում նշվեց աշխարհի ամենապատվաբեր մասնագիտության՝ ուսուցչի տոնը: Պայծառ ու նորովի էր այս տարվա շնորհավորանքները՝ ուղղված մեր հայորդիների դաստիարակության հայրենանվեր ու անձնուրաց գործչին, երկրի պատմության անդուլ մունետիկին՝ ուսուցչին: Օրը սկսվեց իններորդցիների (դասղեկ՝ Ն. Կարապետյան) անակնկալներով՝ գեղեցիկ խոսքերի, երգերի, ծաղիկների, բացիկների, հատակին փակցված գեղեցիկ խոսքերով ոտնահետքերի և այլնի միջոցով: Աշակերտները շնորհակալություն հայտնեցին իրենց ուսուցիչներին՝ անմնացորդ նվիրումի, սիրո, հոգատարության, իրենց կրթելու բարձր ու վեհ կոչմանը հավատարիմ մնալու համար, ՈՒՍՈՒՑԻՉ մնալու համար, այնպիսի ուսուցիչ, որը, ի գին ամեն զրկանքի, իր ուսերին է կրում մեր ժողովրդի ամբողջականության, ազգային արժեքների լիարժեք պահպանման, մեր ժողովրդի անպարտելիության և կեցության գաղտնախորհուրդ հավատքի սերնդեսերունդ ներարկումը: Վերջում շնորհավորական և շնորհակալական խոսքերով հանդես եկան դպրոցի տնօրեն Ս. Գափոյանը և փոխտնօրեն Գ. Միլիտոնյանը:

Անվտանգ ինտերնետ

ՀՀ անկախության 27 ամյակին

21.09.2018թ-ին Վարդենիկի Ա. Օհանյանի անվան հ. 2 հիմնական դպրոցում տեղի ունեցավ համադպրոցական մրցույթ-փառատոն՝ նվիրված ՀՀ անկախության 27 ամյակին:

Անվտանգ ինտերնետ

Պատմության քառուղիներում

26.09.2018թ-ին Վարդենիկի Ա. Օհանյանի անվան հ. 2 հիմնական դպրոցում տեղի ունեցավ ինտելեկտուալ խաղ-մրցույթ՝ «Պատմության քառուղիներում» խորագրով:

Մրցույթին մասնակցում էին 7-9-րդ դասարանցիները: Մրցույթը նվիրված էր Հայաստանի 1-ին Հանրապետության և մայիսյան հերոսամարտերի 100-ամյա հոբելյարին: Մրցույթն անցավ շատ հետաքրքիր և իմաստալից: Շատ ակտիվ էին հատկապես VIII ա դասարանի աշակերտները: Հաղթող է ճանաչվել 9-րդ դասարանի աշակերտ Արման Առաքելյանը։

Մրցույթի շնորհիվ երեխաները ոչ միայն հարստացրեցին իրենց գիտելիքները, այլ նաև կատարելագործեցին թիմային աշխատանքը՝ լսելով և վերլուծելով միմյանց առաջարկություններն ու տարբերակները:

Անվտանգ ինտերնետ

Բարի գալուստ

«Բարի երթ դեպի իմացության անսահման աշխարհ»

Ավանդույթի համաձայն սեպտեմբերի  1-ը Վարդենիկի Ա. Օհանյանի անվան հ. 2 հիմնական դպրոցում նշվեց մեծ շուքով:

Ուսման հանդեպ խոր հարգանքն ու կրթություն ստանալու ձգտումը հայ ժողովրդի ազգային մտածողության ամենաուրույն դրսևորումներից են, և գիտելիքի կարևորության գիտակցումն այսօր առկա է յուրաքանչյուր հայ ընտանիքում:

Գիտելիքի, դպրության այս օրը հատկապես բացառիկ նշանակություն ունի առաջին դասարան հաճախող մեր փոքրիկների համար, ովքեր գիտության աշխարհ են ոտք դնում՝ բացահայտելու գիտելիքի անգնահատելի արժեքը:

Միջոցառման մեկնարկը տրվեց ՀՀ օրհներգով, որի հնչյունների ներքո աշակերտները իրենց խոնարհումը բերեցին Արտակ Օհանյանի  և Արցախյան գոյամարտի նահատակներին նվիրված հուշարձաններին: Այնուհետև տոնը  շարունակվեց դպրոցի շնորհալի աշակերտների կատարումներով, առաջին դասարանցիների երգ ու պարով, հետաքրքիր և իմաստալից խոսքերով ու բանաստեղծություններով, իսկ վերջում՝ իններորդ դասարանցիների ուղեկցությամբ առաջին դասարանցիները ժպիտով մտան  իմացության անսահման աշխարհ՝ դպրոց:

Մեր դպրոցի սաները իրենց կրտսեր ընկերներին հավաստիացրեցին, որ միայն սովորելով և գիտելիքների հարուստ պաշար ձեռք բերելով կարող են հասնել իրենց բաղձալի նպատակներին և քայլել ժամանակի հրամայականին համընթաց:

Վերջում իրենց շնորհավորական խոսքերով հանդես եկան դպրոցի տնօրեն Ս. Գափոյանը և փոխտնօրեն Գ. Միլիտոնյանը՝ մաղթելով լուսավոր ճանապարհ, բարձր առաջադիմություն, հաջող ուսումնական տարի և նորանոր բարձունքների նվաճում:

ՇՆՈՐՀԱՎՈՐ ԳԻՏԵԼԻՔԻ ԵՎ ԴՊՐՈՒԹՅԱՆ ՕՐ

Անվտանգ ինտերնետ

Հայրենիքը երգերի մեջ

Հայ ժողովրդի բազմադարյան պատմության մեջ մայիս ամիսը դարձավ հաղթանակների հերոսական սխրանքների, միասնության և համախմբվածության խորհրդանիշ: 09.05.2018թ-ին Ա. Օհանյանի անվան հ. 2 հիմնական դպրոցի աշակերտական խորհուրդը, նախագահ Հ. Աբրոյանի գլխավորությամբ, անցկացրեց քայլերթ՝ նվիրված Շուշիի ազատագրման 26-ամյակին և Հայրենական Մեծ պատերազմում տարած փառահեղ հաղթանակի 73-րդ տարեդարձին: Երթը սկսվեց Բանավանում Արցախյան ազատամարտում ընկածների համար կանգնեցված հուշաքարից, որտեղ, իրենց հարգանքի տուրքը մատուցելով, աշակերտները շարժվեցին առաջ: Դպրոցի բակում գտնվող Արտակ Օհանյանի կիսանդրուն ծաղիկներ դրեցին, խոնարհվեցին, երգեցին նրան նվիրված երգեր, պարեցին և շարժվեցին դեպի Հայրենական Մեծ պատերազմում ընկածների հիշատակին կանգնեցված հուշարձան: Այնտեղ շատ մարդաշատ էր: Ներկա էին նաև Արցախյան պատերազմի ազատամարտիկները, գյուղի երկրապահները և այլոք, ովքեր իրենց հերթին եկել էին հարգանքի տուրքը մատուցելու նահատակված հայ քաջորդիներին: Աշակերտները, իրենց խոնարհումով ողջունելով ներկաներին, ծաղիկներ դրեցին հուշարձանին և շարժվեցին դեպի «Իշխանանց ձոր», որտեղ էլ տեղի ունեցավ «Հայրենիքը երգերի մեջ» եզրափակիչ երգի, պարի փառատոնը՝ նվիրված ՀՀ և մայիսյան հերոսամարտերի 100-ամյա հոբելյարին: Օրն անցավ բովանդակալից՝ հագեցած հաղթական բերկրանքով: Հետաքրքրական և տպավորիչ էր նաև աշակերտների արտաքին տեսքը. նրանք կրում էին Գուսան Արտակի պատկերով շապիկներ: Իր շնորհավորական և շնորհակալական խոսքով հանդես եկավ դպրոցի փոխտնօրեն Գ. Միլիտոնյանը:

Անվտանգ ինտերնետ

Մեր հաղթանակները

07.05.2018թ.-ին հինգերորդ դասարանում տեղի ունեցավ բաց դաս կերպարվեստից՝ նվիրված ՀՀ և մայիսյան հերոսամարտերի 100-ամյա հոբելյարին (ուսուցչուհի՝ Աղավնի Աբրոյան): Նախ աշակերտները ներկայացրեցին իրենց տնային հանձնարարությունը, որը Եղիշե Չարենցի «Ես իմ անուշ Հայաստանի» բանաստեղծության տողերն էին՝ պատկերված նկարչական բովանդակությամբ: Յուրաքանչյուր աշակերտ, արտասանելով բանաստեղծության իր տողը, համապատասխան նկարը փակցնում էր գրատախտակին: Վերջում ունեցանք մի հրաշք տեսարան՝ պատկերված հայկական խորհուրդներով: Այնուհետև Ա. Աբոյանը ներկայացրեց մեր մայիսյան փառահեղ հաղթանակները և այն հերոսներին, որոնք իրենց կյանքի գնով պաշտպանեցին մեր հայրենիքը, իսկ երեխաները, որպես ամփոփում, կազմեցին ժամանակագրական աղյուսակ՝ սահուն և գեղեցիկ ներկայացնելով բոլոր հերոսամարտերը:

Վերջում, 5 խմբի բաժանված աշակերտները նկարեցին այն հերոսին կամ ժամանակաշրջանը, որն առավել շատ էր տպավորվել իրենց մեջ:

Դասն անցավ բովանդակալից, հետաքրքիր՝ լի հաճելի անակնկալներով: Ամփոփ խոսքով հանդես եկավ դպրոցի տնօրեն պարոն Ս. Գափոյանը, ով գոհունակություն հայտնեց՝ փաստելով, որ աշակերտները կարողացան լուծել իրենց առջև դրված խնդիրը՝ համակողմանիորեն ներկայացնելով տարբեր ժամանակաշրջանների մեր հաղթանակները:

Անվտանգ ինտերնետ

«Հայոց եկեղեցին մայիսյան հերոսամարտերի ժամանակ»

ՀՀ և մայիսյան հերոսամարտերի 100-ամյակի շրջանակներում 2018թ-ի ապրիլի 11-ին IXա դասարանում տեղի ունեցավ բաց-դաս՝ «Հայոց եկեղեցին մայիսյան հերոսամարտերի ժամանակ» թեմայով ( դասղեկ՝ Գևորգ Աբրոյան):
Ներածական խոսքով հանդես եկավ Գ. Աբրոյանը, ով ներկայացնելով 1918թ-ի դարակազմիկ իրադարձությունները՝ կարևորեց հայ եկեղեցու դերն ու նշանակությունը հերոսամարտերի ժամանակ:

Read more »

հիշարժան և նշանավոր տարեթվեր