Բարի գալուստ մեր կայք

 

Սիրով ողջունում ենք Ձեզ Վարդենիկի Ա.Օհանյանի անվան հ. 2 հիմնական դպրոցի ինտերնետային կայքում: Այցելելով մեր կայք` կստանաք դպրոցի մասին հնարավոր ամբողջական տեղեկատվություն: Կայքից կարող եք տեղեկանալ դպրոցի  պատմության, տեղի ունեցող միջոցառումների, կարևոր իրադարձությունների մասին: Ակնկալում ենք Ձեր աջակցությունն ինչպես դպրոցի  գործունեության, այնպես էլ մեր ինտերնետային կայքի զարգացման աշխատանքներում:

Հզոր մտքեր

«Հայոց եկեղեցին մայիսյան հերոսամարտերի ժամանակ»

ՀՀ և մայիսյան հերոսամարտերի 100-ամյակի շրջանակներում 2018թ-ի ապրիլի 11-ին IXա դասարանում տեղի ունեցավ բաց-դաս՝ «Հայոց եկեղեցին մայիսյան հերոսամարտերի ժամանակ» թեմայով ( դասղեկ՝ Գևորգ Աբրոյան):
Ներածական խոսքով հանդես եկավ Գ. Աբրոյանը, ով ներկայացնելով 1918թ-ի դարակազմիկ իրադարձությունները՝ կարևորեց հայ եկեղեցու դերն ու նշանակությունը հերոսամարտերի ժամանակ:

Read more »

հիշարժան և նշանավոր տարեթվեր

«Հաղթանակած հայրենիքը»

2018թ-ի մարտի 30-ին տեղի ունեցավ «Հաղթանակած հայրենիքը» վերնագրով զրույց-զեկուցում՝ նվիրված ՀՀ և մայիսյան հերոսամարտերի 100-ամյա հոբելյարին:
Զրույց-զեկուցումը վարում էր ռազմագիտության ուսուցիչ, լեյտենանտ Մանուկ Սաֆարյանը, ով ներկայացնելով հայրենիքի պատմության ելևէջները, հիշեցրեց երեխաներին այն դժվարությունները, որոնք հաղթահարելով մեր նախնիները ձեռք են բերել հաղթանակած հայրենիք, և որ այդ հաղթանակներն են մեզ ոգեղեն սնունդ տվել, կոփել մեր ազգային ինքնագիտակցությունն ու պայքարելու կամքը, մղել սխրագործությունների, դարձրել մեկ միասնական բռունցք՝ պատրաստ ամեն վայրկյան մահվան դատավճիռ կայացնելու նրանց համար, ովքեր կփորձեն թեկուզ մեկ ակնթարթ խաթարել ազգի անդորրը, ոտնձգություն կատարել նրա նվիրական արժեքների նկատմամբ։
Զրույց-զեկուցումը շարունակվեց բուռն քննարկումներով և աշակերտների գիտելիքներն ու հնչեցրած ամեն մի խոսք ապացույցն էր այն բանի, որ նրանք արժանի են նվիրյալ հայրենիքի զավակ կոչվելուն. «…Ու մեզանից յուրաքանչյուրը պետք է գիտակցի մեկ պարզ ճշմարտություն՝ մենք ենք մեր հայրենիքի սրի ու վահանի կենդանի մարմնացումը, մենք ենք մեր երկրի այսօրվա պաշտպանը, մենք ենք գալիք սերունդների համար պայծառ ապագա կերտողը»։

Անվտանգ ինտերնետ

Շնորհավո´ր տոնդ, հայուհի գեղեցիկ

 

 

«Շնորհավո´ր տոնդ, հայուհի գեղեցիկ»
2018թ-ի ապրիլի 7-ին դպրոցում տեղի ունեցավ մայրության և գեղեցկության միամսյակը եզրափակող ցերեկույթ՝ IX բ դասարանի մասնակցությամբ (դասղեկ՝ Լյալյա Գրիգորյան):
Գարնանային այս գեղեցիկ օրը պատեհ առիթ էր ևս մեկ անգամ երախտիքի, գնահատանքի և մեծարանքի խոսքեր հղելու մեր մայրերին և արժևորելու նրանց անգնահատելի դերն ընտանիքում և հանրային կյանքում. նրանցով է պայմանավորված մարդկային հարաբերությունների ներդաշնակությունը, ընտանիքի ամրությունն ու երջանկությունը:
Միջոցառումը սկսվեց աղջիկների հեզաճկուն պարով, որոնցից յուրաքանչյուրը, մի ծաղիկ դարձած, վեր էր ելնում՝ խորհրդանշելով նոր կյանքի սկիզբը՝ առնչվելով աստվածային արարման բերկրանքին: Այնուհետև հնչեցին մայրության, սիրո և գեղեցկության նվիրված խոսքեր, որոնք, ջերմացնելով հանդիսատեսի սրտերը, ստիպեցին վերապրել մայրության բերկրանքի և սիրո գեղեցիկ ակնթարթներ: Նրանք իրենց խոսքերով, գեղեցիկ երգերով ու նազանի պարերով ևս մեկ անգամ ապացուցեցին, որ աշխարհի ոչ մի ծայրում չես հանդիպի հայուհու նմանակի, որն այնքան հավատարիմ ու նվիրված, բարի ու խոնարհ լինի և առավել արժանի սիրո և մեծարանքի:
Միջոցառման ավարտին երեխաները նվերներ հանձնեցին իրենց մայրիկներին և ուսուցիչներին՝ անակնկալ բացիկներով և գարնանաբույր ծաղիկներով:
Շնորհավորական և շնորհակալական խոսքերով հանդես եկավ դպրոցի փոխնտօրեն Գոհար Միլիտոնյանը՝ մաղթելով հայ մայրերին տոկունություն, ընտանեկան ջերմություն, կանացի հավերժ հմայք և երիտասարդություն:

Անվտանգ ինտերնետ

Հիսուս Քրիստոսի Հրաշափառ Հարության տոնը՝ Սուրբ Զատիկը

01.04.2018թ-ին դպրոցի IV ա դասարանի երեխաները (դասղեկ՝ Ա. Մկրտչյան) նշում էին Հիսուս Քրիստոսի Հրաշափառ Հարության տոնը՝ Սուրբ Զատիկը, որը մեր ժողովուրդը բերկրանքով ու ցնծությամբ նշում է գարնան զարթոնքի հետ։ Այս առիթով մի գեղեցիկ ավանդություն կա, ըստ որի, այդ օրը քաջազունները հաղթել են ստորերկրյա չար աստծուն և փրկել Հազարան հավքին, որը բույն է հյուսել բիբլիական լեռան ծերպերում և բազմագույն ձվեր ածել՝ մարդկանց պարգևելով բերկրանք ու հույս։ Այդ օրը դաշտերում սկսվում են գարնանային վարուցանքի աշխատանքները։ Այսինքն՝ Սուրբ Զատիկը պուտիկավոր բզեզի նման գալիս է գարնանը և նրա նման անվանվում է նաև Կարմիր զատիկ։ Read more »

Անվտանգ ինտերնետ

Այցելություն Հայաստանի պատմության թանգարան-պատկերասրահ

2018թ-ի մարտի 17-ին ՀՀ և մայիսյան հերոսամարտերի 100-ամյակին նվիրված միջոցառումների շրջանակներում Ա. Օհանյանի անվան հ.2 հիմնական դպրոցի աշակերտները Գ. Աբրոյանի և Ա. Աբրոյանի ուղեկցությամբ այցելեցին Հայաստանի պատմության թանգարան: Երեխաները հնարավորություն ունեցան ծանոթանալ և վերհիշել հայ բազմադարյան մշակույթը՝ հին ժամանակներից միչև մեր օրերը՝ գնահատելով մեր պատմամշակույթային հինավուրց արժեքները:
Այնուհետև ուսուցողական այցը շարունակվեց Հայաստանի ազգային պատկերասրահում, որտեղ երեխաները մասնակցեցին տարբեր ցուցահանդեսների՝ իտալահայ քանդակագործ, նկարչուհի Նվարդ Զարյանի 100-ամյակին նվիրված ցուցահանդեսին, Վարդան և Գևորգ Թառլոյանների <<Պատրանք և իրականություն>> ցուցահանդեսին, ինչպես նաև ծանոթացան մշտական ցուցադրության հայ և համաշխարհային արվեստի ցուցանմուշներին:
Էքսկուրսիայի վերջում կազմակերպված խաղ-մրցույթի միջոցով երեխաները ի մի բերեցին ստացված գիտելիքները:
Այցելությունը տպավորիչ էր և հիշարժան, աշակերտները ոչ միայն ծանոթացան հայ մշակույթի բազմադարյան պատմությանը, այլ նաև նոր գիտելիքներով զինված՝ վերադարձան տուն:

Անվտանգ ինտերնետ

7-ՐԴ ՀԱՄԱՀԱՅԿԱԿԱՆ ՄԱՆԿԱՊԱՏԱՆԵԿԱՆ ՆԿԱՐՉԱԿԱՆ ՄՐՑՈՒՅԹ-ՓԱՌԱՏՈՆ

2018թ-ի մարտի 16-ին դպրոցի նկարչական խմբակը՝ ուսուցչուհի Ա. Աբրոյանի ղեկավարությամբ մասնակցեց ՀՀ կրթության և գիտության նախարարության և Գեղագիտության ազգային կենտրոնի հետ համատեղ կազմակերպված «Ազգային տոներ, ծեսեր, խաղեր» խորագրով 7-րդ համահայկական նկարչական մրցույթ-փառատոնի փակման արարողությանը:
Մրցույթ-փառատոնին մասնակցել էին արվեստի հանդեպ սեր և կարողություն դրսևորող, հայերեն ուսուցմամբ վարժարանների և կրթօջախների (այդ թվում՝ մեկօրյա), մշակութային կենտրոնների 6-18 տարեկան սաները, ինչպես նաև այլ դպրոցների նկարչական կամ արվեստի խմբակներում ընդգրկված հայ երեխաներն ու պատանիները. 1000-ից ավելի արվեստի գործեր՝ սփյուռքի 14 երկրներից (ԱՄՆ, Արգենտինա, Ղրիմ, Եգիպտոս, Վրաստան, Հունաստան, Հորդանան, Թուրքիա, Իրան, Լիբանան, Ռուսաստան, Ուզբեկստան, Ուկրաինա, Ֆրանսիա, Քուվեյթ), ինչպես նաև Արցախից և Հայաստանից:
Փակման արարողության ընթացքում բոլոր մասնակիցները ստացան պատկերագրքեր, իսկ նրանցից շատերը արժանացան նաև պատվոգրերի, շնորհակալագրերի և խրախուսական նվերների:
Մեր դպրոցից մրցույթ-փառատոնին մասնակցած Հասմիկ Արշակյանը իր «Սուրբ զատիկ» յուրօրինակ աշխատանքով և Անի Դավթյանը՝ «Ավագ երեքշաբթի» աշխատանքով նույնպես ստացան պատկերագրքեր:
Մրցույթ-փառատոնը նպաստեց երեխաների՝ հայ ազգագրության, երկրագիտության իմացությանը, նրանց կողմից ազգային աշխարհայացքի, առաձնահատկությունների, գեղագիտական արժեքների յուրացմանը, առանձին պատմական իրադարձությունների, հոգևոր կյանքի, փաստերի արժևորմանը:

Անվտանգ ինտերնետ

Միջոցառում նվիրված հանճարեղ մաթեմատիկոսներին

 

07․03․2018թ-ին դպրոցի հանդիսությունների դահլիճում տեղի ունեցավ միջոցառում (ուսուցիչ՝ Գոհար Մկրտչյան)՝ նվիրված մեծանուն մաթեմատիկոսներին՝ Արքիմեդես, Թալես, Գաուս, Դեկարդ, Վիետ և այլք։ Միջոցառման սկզբում երեխաները ներկայացրեցին գիտնականների կենսագրությունն ու հայտնագործությունները, հիշեցին հետաքրքիր պատմություններ նրանց մասին, այնուհետև ներկայացրեցին առօրյայում հանդիպող խնդիրներ՝ բեմականացման տեսքով։ Վերջում անցկացվեց վիկտորինա դահլիճի հետ։
Միջոցառումը ոչ միայն նպաստեց երեխաների մասնագիտական հմտությունների զարգացմանը, այլ նաև խթանեց նրանց ստեղծագործական միտքն ու տրամաբանությունը՝ արժևորելով կատարած աշխատանքը։
Միջոցառումն ավարտվեց դպրոցի ղեկավարության շնորհավորանքներով ու շնորհակալություններով։

Անվտանգ ինտերնետ

Համադպրոցական սպորտլանդիա

ՀՀ և մայիսյան հերոսամարտերի 100-ամյակին նվիրված միջոցառումների շրջանակներում 23.02.2018թ-ին Վարդենիկի Ա. Օհանյանի անվան հ2 հ/դ-ում անցկացվեց համադպրոցական սպորտլանդիա (ղեկավար՝ Գ. Ավետիսյան): Մասնակից յուրաքանչյուր թիմ ներկայացավ յուրովի: Սպորտլանդիան կայացավ դպրոցի «Սիս» և «Մասիս» թիմերի միջև: Միջոցառումն անցավ աննախադեպ ոգևորությամբ՝ լի հաղթանակի ձգտումով: Թիմերը լավ մարզավիճակում էին դպրոցի ֆիզղեկ Գ. Ավետիսյանի շնորհիվ, որը նախապատրաստական մեծ աշխատանք էր տարել: Մրցույթի ընթացքում կազմակերպվեցին տարբեր խաղեր՝ փոխանցավազք՝ գլուխկոնծի տալով և արգելքների հաղթահարումով, էստաֆետ օղակներով, գնդակներով, «Հավաքիր բառը», պարանի ձգում և այլն: Երկու թիմերն էլ ցուցաբերեցին հավասար արդյունքներ:
Շնորհավորանքներից և շնորհակալական խոսքերից հետո երկու թիմերից ստեղծվեց դպրոցի հավաքականը, որը պետք է մրցի շրջանային փուլում:

Անվտանգ ինտերնետ

Հերոսական անցյալ 100

 

 

Մայիսյան հերոսամարտերը Սարդարապատի (մայիսի 21–29), Բաշ Ապարանի (մայիսի 23–29), Ղարաքիլիսայի (մայիսի 24–28) ճակատամարտերն են, որոնք ձախողել են հայերին վերջնականապես բնաջնջելու երիտթուրքական
ծրագիրը: Այդ հաղթանակների շնորհիվ Արևելյան Հայաստանի մի մասում
վերականգնվել է հայկական պետականությունը. 1918 թ-ի մայիսի 28-ին
հռչակվել է Հայաստանի առաջին հանրապետությունը:

Read more »

հիշարժան և նշանավոր տարեթվեր